indovinelli
Mi scantu a pigghialla,
mi scantu a tuccalla,
'a pigghiju ppa testa,
'a pigghiju ppa cuda
e truvu dda dintra
'na bella signura.
(Ficodindia)
Si tocca s'incrina
a 'mminzu u pilu si 'rrimina
(Rasoio)
Trasi tranta e nesci muscia
(Pasta)
Nna calata di Cartagiruni
s'incuntraru pinna e picciuni,
'a pinna aviva ragiuni
s'infila dintra u picciuni.
(Chiave e serratura)
Aijaiu aijaiu aijaiu!
O gesu o gesu o gesu!
Lassami spugghiari
chiti fazu 'rricriari.
(Ficodindia)
Nasci 'n terra e mori 'n cilu.
(Fumo)
La mamma di Mimiminossa
havi carni pila e ossa;
?a figghia di Mimiminossa
unn'havi nč carni nč pila nč ossa.
(Ricotta)
Abbacu abbacu, quantu si pulitu!
Binidittu Nuč chi tha criatu!
A cu' livi, a cui minti l'appitittu:
e cu' si fida di tia resta 'nagannatu.
(Vino)
'N terra nasci, 'n terra crisci;
fa lu fruttu e nun sciurisci.
(Fungo)
Nna manu ci vą,
nna cascia 'un ci vą.
(Fucile)